Psalmi 99
1 canticum in gratiarum actione
2 iubilate Domino omnis terra servite Domino in laetitia ingredimini coram eo in laude
3 scitote quoniam Dominus ipse est Deus ipse fecit nos et ipsius sumus populus eius et grex pascuae eius
4 ingredimini portas eius in gratiarum actione atria eius in laude confitemini ei benedicite nomini eius
5 quia bonus Dominus in sempiternum misericordia eius et usque ad generationem et generationem fides eius